Maaga siyang nagising ngunit may mas maaga pa palang nagising sa kanya.
"Good Morning, Your Grace," bati ni Ysrael sa kanya, at pinaghugutan siya ng upuan. "Come and sit. Ipagtitimpla kita ng gatas."
"Salamat," sabi niya, at bahagyang sinulyapan ito. She gathers all her strength. Alam niya kasi na maaring tanggihan ni Ysrael ang kanyang mungkahi. "Ahm... may pakikiusap sana ako sa 'yo."
Napatingin sa kanya si Ysrael. "Ano po iyon, Mahal na Prinsesa?"
"Nais ko sana na bumaling ka dito pagkatapos mo akong ihatid sa palasyo..."
Bigla itong natigilan. "Sinasabi mo na sa akin na hindi mo na kailangan ang aking serbisyo?"
"Hindi sa ganoon. Subalit gusto ko na harapin mo na rin ang desisyon mo kay Fatima. Nais kong balikan mo siya at manatili ka sa tabi niya. Kailangan niya ang isang ama. A
