Nang matapos ang check-up ko at pauwi na sa bahay habang sakay ng sasakyan ni Gelo ay hindi ko tuloy naiwasang mapa bungisngis nang maalala ang pangyayari sa opisina ni Kira. Kung totoong buntis nga si Siobeh ay halos sabay-sabay pala kaming manganganak sa susunod na taon! Kaya siguro tawa ng tawa si Kira ay dahil doon!
Natigil lang ako sa pag-iisip nang tumunog ang phone ko para sa isang message galing kay Gelo. Kasalukuyan s’yang nasa event ng YBS Club at mamayang gabi pa ang uwi n’ya. Gusto nga sana n’yang sumama sa pinaka unang monthly check up ko pero sinabi kong ‘wag na s’yang mag-abala dahil medyo malayo din ang venue ng event dito at kung pupunta pa s’ya ay maaabala s’ya ng todo.
Gelo:
Are you done with your check up?
Napangiti ako nang mabasa ang message n’ya. Mukhang hindi pa
