Kahit na sobrang busy si Gelo sa buong buwan ay halos hindi ko naramdaman ‘yon dahil isang linggo bago ang nakatakdang araw ng kasal namin ay ayos na ang lahat. Kung hindi ako nagkakamali ay isang araw lang yata kaming naabala para sa pagsusukat ng mga isusuot at wala na. Tama nga ang sinabi n’ya na ibang tao na ang bahalang mag-ayos sa kasal namin at halos puro phone transactions at emails lang ang lahat. Ipapadala lang sa amin ang mga pagpipilian at sila na ang bahala sa lahat. Masyado ring professional ang wedding planner na kinuha ni Gelo at sinunod nito ang bilin n’ya na hangga’t maaari ay ayaw n’ya na maabala kami dahil sa preparation kaya halos hindi ko naramdaman ang pag-aayos ng sarili kong kasal. Tuloy-tuloy lang ang pagtatrabaho namin pero ako ay maagang pinapauwi ni Kira dahil
