“Damn!”
Kunot ang noo na napalingon na naman ako kay Gelo nang marinig ko na naman ang mura n’ya. Naabutan kong pinigilan na naman n’ya ang ngisi n’ya at kinagat ang ibabang labi bago nagsumiksik pa lalo sa akin kahit na nakapulupot na ng todo ang mga braso n’ya sa katawan ko.
Kasalukuyan kaming sakay ng sasakyan n’ya para ihatid n’ya ako sa bahay. Kahit na sinabi kong ipahatid na lang n’ya ako sa driver n’ya ay hindi talaga pumayag na magpaiwan na sa opisina kahit na ilan na ang naka-line up na meeting n’ya after lunch.
Umikot ang mga mata ko at natatawang hinawakan ang braso n’ya para paayusin s’ya ng upo pero narinig ko ulit ang mahinang mura n’ya na kanina n’ya pa yata ginagawa mula nang lumabas ang result ng pregnancy test. Tama nga ang hinala ni Kira at bukas na bukas ay pupunta k
