“Thanks, Ax! See you soon!”
Nag-angat ako ng tingin kay Kira na kakatapos lang ibaba ang phone. Huling araw na n’ya dito sa foundation at kahit na sinabi kong ‘wag na s’yang pumasok ay nagpumilit pa rin s’ya at nagpahanda ng sobrang daming pagkain para sa mga empleyado ng foundation. Napangiti ako nang makita ang ngisi n’ya habang nakatitig sa phone na kakababa lang.
Mula noong bumalik s’ya dito sa foundation ay wala akong nakitang lalaki na pinayagan n’yang maging malapit sa kanya kahit na nga ba palagi kong napapansin na madalas na magdala at magpakilala si Gelo ng ilan sa mga kaibigan at empleyado n’ya para ipakilala kay Kira. Kahit kailan ay hindi ko na s’ya nakitang naging interesado sa ibang lalaki. Kaya ngayong ngumingiti s’ya dahil kay Engineer Axel Laxamana ay masaya ako para sa
