Ang mga sumunod na dalawang buwan ay mas lalong naging mahirap para kina Gelo at Kira. Noong gabing umuwi si Gelo pagkatapos ng anniversary namin ay pinaalam n’ya sa akin na nagpaiwan sa Los Angeles si Kira para magbantay sa Daddy nila kahit na hindi alam ni Chairman na nandoon ito. Ilang beses na nanghingi ng pasensya si Gelo dahil sa akin mapupunta ang mga trabahong maiiwan ni Kira habang hindi pa s’ya nakakabalik. Wala namang kaso sa akin ‘yon dahil alam ko naman halos lahat ng trabaho ni Kira dahil inasahan na n’ya na may mga ganitong pagkakataon na maiiwan ako sa office kaya itinuro n’ya rin sa akin lahat ng trabaho n’ya. Kaya lang ay mapilit si Gelo at ayaw n’ya akong mahirapan kaya si Rowan Yu ang pansamantalang naging kasama ko doon habang wala si Kira. Iyon nga lang ay dalawa o ta
