Nagulat si Daniella nang biglang bumukas ang pinto at iniluwa nito ang galit na mukha ni Niccolo.
Samantalang si Christian naman ay napakunot-noo, naalala niyang ito rin ang lalaking nakita niya noong naglalaro sila ng anak niya ng soccer.
Nasa sala kasi ang mga ito at tinutulungan si Denielle na gumawa ng art project niya.
“Tito Niccolo! Na-miss kita!” Agad namang tumayo si Denielle at sinalubong ang binata ng yakap. Bigla namang nagbago ang ekspresyon ng mukha nito nang batiin ng bata. Umupo ito para mayakap din ang bata.
“Na-miss din kita.” Tugon niya.
“You forgot something.” Saad naman ni Daniella na pilit pinapasaya ang boses para itago ang tension sa loob niya. Nakalapit na ito sa kanila.
Napakunot-noo naman si Niccolo at tumayo na rin ngunit hawak niya pa rin sa kamay ang bata
