Pagpasok ni Drew sa kotse, agad niyang nakita si Thessa sa passenger seat, nakayuko, nanginginig ang balikat habang tahimik na umiiyak. Agad siyang umikot at sumakay sa driver’s seat. Isinara niya ang pinto, pero hindi niya agad pinaandar ang makina. Ang bigat ng katahimikan sa loob ng sasakyan.
“Thess…” mahina niyang tawag.
Hindi agad sumagot si Thessa. Punong-puno ng luha ang mga mata niya.
“I’m sorry,” bulong ni Drew sabay hawak sa kamay niya. “Hindi ko alam na ganito pa rin si Mama. Sana hindi na kita pinilit na isama dito.”
Unti-unting nag-angat ng tingin si Thessa. Namumula ang mga mata niya. “Tama naman ang Mama mo.”
Napakunot ang noo ni Drew. “What?”
“Kabit ka, Drew,” diretsahang sabi niya. “Hindi pa rin ako malaya. Sa papel, kasal pa rin ako kay Casimiro. Anong tawag doon? H
