Siguro ay kukunan ko na lang ng litrato ang Hyacinth at ipapakita kay Xion. Gusto ko siyang isama para makita niya ito pero gusto ko ng ilayo ang sarili sa kaniya.
Wala pang kasiguraduhan na mapapagaling ko ang sarili ko. Hindi ako pwede ma-attach sa kaniya dahil mas magiging komplikado lang ang lahat.
Sinara ko ang maleta dahil maya-maya lang ay pupunta na kami sa airport para sumakay sa aming private plane. Mas mapapabilis kasi kami sa pagdating kapag iyon ang ginamit namin. Kasama ko ang buong pamilya. Maging si Tita Triana ay sasama. Syempre, we worked on this. Hindi pwedeng mapalampas niya ang ganitong bagay.
Hindi alam ni Xion na ilalabas na bukas ang Hyacinth. Nagbigay naman ng permiso si Tita Triana na 'wag ng ipaalam sa kaniya. Alam ko na gusto niyang sama ang anak pero muka
