Hindi ko maidilat ang mga mata ko dahil sa sobrang takot habang tinatanong ang sarili ko ng paulit-ulit, kung ano bang nagawa kong kasalanan sa mundo.
Yakap ko ngayon ang mga binti ko habang nakaupo ako sa dalampasigan, umiiyak at kanina pa sinasabuyan ng tubig dagat. Kasabay ng pag-agos ng alon sa akin, ang siya ring pagbuhos ng lalaki sa akin.
"Ano pa raw bang paraan para maging sirena 'yan? Hindi naman nagbabago, oh," mahinang tanong ng isa kaya napadilat ako. "Palpak naman yata 'yang secret buyer mo."
Taka rin akong napatingin sa sarili ko na hindi nagbabago ng anyo saka ko sila tinignan. Hinila ng lalaking may tattoo ang kasama niya habang nakadiretso ng tingin sa akin. Nagbulungan sila doon at sa tingin ko ay wala pa rin akong takas.
'Yung buka kasi ng bibig nila, nababasa kong h
