From: Leonardo
Tingnan mo.
[Video]
"Ano 'yang pinapanuod mo?"
Mabilis akong napatago ng cellphone habang gulat na gulat na hinaharap si Sebastian.
"Kumusta 'yung tiyan mo? Ayos na ba?" pagbago kong tanong bago tumayo. "Mabuti pa bumili na tayo ng gamot diyan sa labas," dugtong ko nang akma siyang magtatanong ulit. "Tara na, Seb," sabi ko ulit saka siya inakay palabas ng restaurant.
"Ngayon lang ulit ako nabusog ng gano'n," aniya habang nakahawak sa kanyang tiyan.
"Okay lang sanang magpakabusog kaso masyado mong pinilit ubusin lahat. Ayan tuloy at banyo ka ng banyo."
Hindi pa kami nalalayo mula sa restaurant. Napansin ko agad ang butil-butil niyang pawis sa nuo. Hindi ko alam kung matatawa ba ko o maaawa sa kanya.
Bago ko pa siya pansinin ay nagpaalam ulit siya at dali-daling pumas
