Sabi nga nila mahirap mag-expect. Kala ko kasi hindi na iinit ang ulo ko. Na magiging maganda na ang lahat ng mangyayari.
Nanginginig ang kamay kong may hawak na bote habang pinagmamasdan ang pagpasok ni Vanessa sa lugar. Wala si Sebastian, nagpaalam siya na may kukuhanin sa labas kaya naman naiwan ako dito.
Pagkapasok na pagkapasok niya pa lang, nakangiti na siya sa akin. Mapang-asar ang ngiti ni Vanessa kaya naman napatitig lang ako.
"Oh? Naliligaw ka yata?" sabi niya sa akin nang huminto siya sa harapan ko.
"Baka ikaw," sagot ko sabay irap.
"Hinihintay mo ba si Sebastian? Nandiyan na ba siya?" sabi niya pa na lalong nagpa-init sa ulo ko. "Sabi ko sa kanya, mag-date kami ngayong araw. Hindi ko inaasahan na magsasama pa siya dito ng secretary niya."
"Mapapangasawa," pikon kong pagba
