"Nakuha mo na 'yung laman?" tanong ko kay Dice habang lumalapit sa kinauupuan niya.
"Mukha bang madali 'to?" sagot niya naman sa akin na tinitigan ko lang nang diretso.
"Best man," wika ni Leonardo sa isang gilid. Minostrahan niya si Dice saka tinawanan.
"Bwisit," usal niya.
"Paano natin malalaman kung tama 'yang nakuha natin kung sobrang tagal mo diyan?"
"Hoy, Sebastian!" Tumayo siya at nakipagpatangkaran sa akin. "Kung wala kang tiwala sa akin. Sa'yo na 'tong laptop at pabuksan mo sa iba."
Natahimik ako at nagpatalo na lang.
"See? Ako lang naman ang makakatulong sa'yo. Kaya bigyan mo pa ko ng oras."
"Anong ginagawa niyong tatlo dito?" Biglang sulpot ni Ariel na ikinagulat naming tatlo. "May tinatago ba kayo sa akin? Bakit parang napapansin ko. . .dumadalas kayong magsama samang
