"Sometimes the best revenge is to smile and move on." Napangiti ako dahil sa nadaanan naming banner na nakalagay sa itaas ng building.
Huminga ako nang malalim bago dumilat papaharap sa sobrang daming tao. Puno ng camera ang paligid at para kaming artista ni Sebastian na nasa harapan ngayon nilang lahat.
"Okay ka lang?" bulong sa akin ni Sebastian na nginitian ko habang bahagyang tumatango. Ngumiti rin siya pabalik sa akin at mas hinawakan nang mahigpit ang kamay ko.
Ngayong araw, tumawag ng conference si Sebastian para sa parating naming kasal. Sabi niya, importante 'to para sa amin. Para tumigil na ang ilang taong nakikisawsaw sa issue. At higit sa lahat, para malinawan ang lahat na tapos na si Sebastian at Vanessa. Na 'yung video na lumabas doon sa party noong nakaraan ay nakaraan na
