NAPABUNTONG-HININGA si Simon James nang makahiga siya sa kaniyang higaan sa loob ng kaniyang kwarto. Nakatitig lamang siya sa kisame habang inaalala niya ang lahat ng pangyayaring naganap doon sa probinsya ni Maureen.
Hindi niya mapigilan ang sariling mapangiti sa sayang idinulot ng pamilya ni Maureen sa kaniya at sa mga anak niya.
Ngunit, nakaramdam rin siya ng lungkot, sa ilang araw niyang pananatili doon, kahit pa nasaksihan niyang masaya ang pamumuhay doon ng pamilya ni Maureen, hindi niya maipagkakailang mahirap doon, mahirap ang pamilya ni Maureen. At alam niya nang 'yon ang mabigat na pasan-pasan ni Maureen habang nagtatrabaho ito rito sa malayo.
Napuno ng iyakan ang kanilang pag-alis, naramdaman ni Simon James na tila hindi pa sila handang mawalay muli sa isa't-isa. Hindi katula
