NAKANGITING pinapanood ni Simon James ang pamilya ni Maureen. Nasa mahabang mesa sila at nagsasalo sa haponan. Kaliwa't-kanan ang kwentuhan, tila lahat sa kanila ay may baon na kwento na nagbigay tuwa sa kanilang pagtitipon.
Sa mesa nila ay naroon ang tinolang manok na inihanda ng t'yahin ni Maureen, at ang kanin, 'yon lamang ang nakahain sa hapag ngunit parang daig pa nila ang nasa pyesta sa sobrang saya.
"Bukas na bukas ay pupunta tayo doon sa ilog para manguha ng isda. Maglalaba rin sina Maya at Belya," sabi ng Tiyuhin ni Maureen. "Gusto mo bang sumama, Sir?"
"Sasama 'yan si Kuya Simon, T'yong, sinabihan na namin kanina," nakangiting sabi ni Miguel.
"Miguel, mahiya ka nga, bakit mo kinukuya ang boss ng ate mo?"
"It's okay," nakangiting sabi ni Simon James. "Mas okay nga 'yon."
"Da
