Chapter 72
“Let’s go.”
Kinakabahan man ay sumunod si Luna sa binatang si Cameron. Nasa likuran niya anh dalagang si Felise. Mas lalo siyang dinadalaw ng kaba dahil oarang wala man lang pakialam ang dalaga. Kung ano ang sinasabi nito at kung ano-ano rin ang itinatanong na oara bang wala itong alam sa mga bagay-bagay. Naiiirita na siya sa kadaldalan nito ngunit hindi naman niya ito mapagsalitaan. Ito lang ang makakatulong sa kanila. Ito lang ang nakakapagpahinto sa ginagawa ng dalagang si Fiona na hindi pa niya nakikita.
“Wow!” rinig niyang sigaw nito. Manghang-mangha ito sa bulaklak na kulay dilaw. Napairap si Luna. Kaunti na lang ang kulang at masisinghalan na niya ang dalaga. Ang ingay-ingay kasi nito na para bang wala silang importanteng misyon.
“Felise,” saway ni Luna sa dalaga.
