Chapter 32
Binalot nang pagkagulat ang mukha ni Solene habang pinakatitigan ang litratong hawak sa nanginginig na mga kamay. Batang Jacob at Cameron ang kanyang nakita. Magkahawak-kamay ang dalawa at pawang nakangiti habang nakatingin sa camera. Sa sumunod na mga litratong kanyang napulot ay naroon ang iba pa na sa kanyang hinuha ay parte ng pamilya ni Cameron. Pare-pareho kasi ang mga ito ng mukha maliban kay Jacob na siyang naiiba sa lahat.
“Ano ang ginagawa nila rito? Magkakilala ba sila?” nagtataka niyang tanong habang paulit-ulit na pinagmamasdan ang mga litrato. Iiling-iling siyang naupo at sa pag-angat ng kanyang paningin ay bumungad sa kanya ang isang kurtina na nakatakip sa isang parang whiteboard. Maliit lamang iyon kaya hindi ito kaagad mapapansin.
Pinagmasdan niya ang lahat
