Kinabukasan ay nagkita kami ni Cass dahil napag-usapan naming dalawa na magtungo sa grocery upang bumili ng babaunin namin paakyat ng bundok, bibisitahin namin si Yaya.
"Anong klaseng ka-martiran ang ginagawa mo ngayon Suzy?" nakasimangot na tanong ni Cass sa akin, ayaw niyang umakyat kami doon.
"C-Cass--"
"Okay fine," pagputol niya sa akin, "Oo na hindi na ako magtatanong pa."
"Salamat Cass," akbay ko sa kanya.
Isang batang lalaki ang mabilis na tumatakbo ang nadapa sa aming harapan. Agad siyang hinablot ng kasama niyang babae patayo na naging dahilan upang umiyak ito.
"Ano ba Nicko, ang lampa mo!" singhal niya pa dito.
"Mom--"
"Stop crying, hindi ka babae!"
"S-Sorry po Mommy," wika nitong patuloy pa ring humihikbi.
Hinawakan niya ang bata at hinila patungo sa dereksyon n
