"Puwede ka nang umalis, Einna. Pasensya na, nagbilin kasi si Sir Renzo na bawal ka nang pumasok sa dito."
Tila namanhid ang katawan ni Einna nang mawala sa paningin niya si Renzo. Kulang na lang ay takbuhin niya ang gate baka abutin pa ang kasintahan. Pero humarang na ang isang security personnel na kahit mahinahon naman siyang kinakausap ay pinaaalis pa rin siya roon.
"S-si Renzo..." Hawak niya ang tiyan habang kinakalma ang dibdib niya. Hindi niya gustong umiyak. Kung ano ang hindi nila pagkakaunawaan ni Renzo ay hindi na maaayos dahil mabilis siyang ipinagpalit sa iba.
"Pasensya na talaga. Sa katunayan ay bawal silang makipag-usap kahit kaninong empleyado. Ang mga pulis at abogado na ang haharap sa inyo--"
"Ano ba, Hidalgo, hindi ka pa ba papasok dito?" tawag ng head ng security na
