"Bakit hindi kasama sa kakasuhan si Theodoro Tan, attorney? Sigurado akong siya ang pasimuno ng lahat ng 'to."
"Lahat ng ebidensyang nakalap natin ay nagtuturo lang sa anak niyang si Hazel, Renzo. Ni halos hindi na umuuwi ng Pilipinas si Theo simula pa noong isang taon."
"That's impossible! Paano niya napapatakbo ang kompanya niya kung wala siya dito sa Pilipinas?!"
"There are hundred of ways to do so," sagot pa rin ng abogado niya. "Ano ang ginagawa ng teknolohiya? At may kanang-kamay siyang pinagkakatiwalaan, hindi si Hazel 'yun. May balita pa nga na hindi magkasundo ang mag-ama lalo na sa desisyong pag-aasawang muli ni Theo."
Isang pagak na tawa ang pinakawalan niya. Naipanalo nila ang kaso pero hindi laban sa Metro Pacific kung hindi kay Hazel Tan lang. At sa lahat ng pagkakataong
