"Bakit hindi mo ipagkatiwala sa hardinero ang pag-aayos ng halaman, Einna? Pinapagod mo pa ang sarili mo."
"Hindi naman 'to nakakapagod, Theo." Sumalampak si Einna sa malagong bermuda grass matapos mailipat sa paso ang umuusbong na tangkay ng rosas. Malamig ang simoy ng hangin ngayon sa Amerika kahit mataas na ang sikat ng araw. Lalong namumula ang balat niya dahil lagi siyang nasa hardin.
Ang pagtatanim ng halaman ang pinagkakaabalahan niya habang nagbabakasyon sila ni Theo sa San Francisco. Sa susunod na buwan ay uuwi ito para harapin ang kompanyang pinamamahalaan ngayon ng kanang kamay nito.
"I can see that you're enjoying. Nakikitigin na rin ang mga kapitbahay natin sa dami ng halamang nakapalibot. And I'm glad you've found your interest in those beautiful flowers."
"Kailangang m
