"Parang lalo kang gumaganda ngayon, Einna? Siguro may nagpapaganda sa 'yo, ano?" tudyo ni Delia pagdating niya sa opisina isang umaga. Nakabili siya ng bagong damit kahapon. Nakalabas na sa ospital ang Inay niya na labis niyang ipinagpasalamat. Umuwi ang Tiya Ghing niya sa Bataan para personal itong dalawin. Ito pa rin ang nagbayad ng bill nila sa ospital kaya't wala na rin siyang ginastos. Alam niyang pera iyon ni Mr. Tan pero dahil hindi na siya kinulit ng tiyahin na makipagkita sa matanda ay ipinagpasalamat niya na lang.
Biyernes ngayon, may posibilidad na magyaya ng dinner si Renzo. Kailangang maganda siya sa date nila nang hindi naaalangan ang katayuan nila sa buhay. Hindi puwedeng mapintasan kung bakit siya ang napili nitong isinasama sa mga dinner meetings na dinadaluhan nito.
"Ma
