Hindi ko alam kong anong pumasok sa isip ko ng mga oras na iyon. Hindi ko sinasadyang saktan siya. Nadala lamang ako ng sobrang galit ko at sama ng loob. Masamang masama ang loob ko sa kanya dahil bakit kailangan niya pa akong ipagpalit sa iba.
Bakit kailangan niya pang patulan si Rico na kaibigan ko pa. Nakakababa lang ng p*********i. Nakakainsulto. Kung kailangan niya ng pera ay nandito lang naman ako. Hindi niya na kailangang maghanap ng iba. Maibibigay ko iyon sa kanya kahit magkano pa ang kailangan niya. Napapaisip tuloy ako kung may mali ba sa akin.
Noong nagising akong katabi siya ay nagulat ako. Hindi ako makapaniwala na nasa tabi ko siya, nakaharap sa akin at nakayakap pa habang natutulog. Biglang lumukso ang puso ko sa tuwa. Kay tagal kong inasam na makayakap siyang muli. Lahat
