"Lander... Lander..."
Bigla akong nagising sa boses at kalabit ni Caddy sa akin.
"Hon... gising ka na pala. Sorry nakatulog ako."
Hindi ko namalayan na nakatulog na pala ako. Wala kasi akong masyadong tulog kagabi dahil binabantayan ko siya.
"Anong oras na ba?" tanong ko sa inaantok pang boses.
"Mag aalas singko na."
"Ha!" bigla akong napatayo.
"Sorry hon. Hindi kita nagising. De bale aabot pa naman tayo. 5:55 pa ang sunset."
"Umm."
"Kagigising mo lang din ba.?" tanong ko sa kanya.
"Kanina pa, mga alas tres."
"Alas tres? Bakit hindi mo ako ginising?"
"Ang sarap ng tulog mo eh."
"Kahit na. Sana ginising mo pa rin ako. May kailangan ka ba? Gusto mo ba ng tubig? Nagugutom ka ba? Kumain ka muna bago tayo pumuntang tabing dagat."
"Puwede bang doon na lang ako magmeryenda? Dalhin
