Hanggang makarating sila sa Sweet Tiffany ay maraming tanong ang bumabagabag sa isip niya. Minsan lang nabanggit ni Wael na may bukol ito sa likod na kailangan nitong ipatingin. Tiyak na hindi nito gustong pag-usapan iyon lalo na't malapit na silang ikasal.
Dumaan muna sila sa opisina para sa ilang papeles na kailangang pirmahan ni Wael. Nanatili din siya sa opisina niya habang abala pa si Wael dahil excited siyang i-design ang sarili nilang wedding ring. Nalibang siya kahit paano at nakalimutan niya sandali ang pag-aalala.
Pero pabalik na siya sa opisina ng binata nang may maulinigan siyang kausap nito sa telepono. Napahinto siya sa paglalakad. Sumilip siya nang kaunti at nakitang naroon din ang sekretarya nitong si Joy na may hawak na mga folders. Lumakad ang dalawa sa table ng
