Ang aga aga tuloy kinabukasan panay na ang tunog ng telepono niya. Si Norma nga ay walang tigil sa katitili. Ilang tao na ang tumawag sa kanya wala pang alas nueve ng umaga para i-congratulate siya sa nalalapit nilang kasal ni Wael.
At ang huling tawag na natanggap niya ngayong umaga ay galing sa kapatid niyang si Allen na nasa Los Angeles.
"Ano ang nangyari bakit nauwi na kay Wael ka ikakasal?"
"Well... Harry dated another woman and Wael knew about it. Ginawa niyang rason 'yun para hindi ko pakasalan si Harry."
"May ibang idinate si Harry?! While you were engaged?!"
"Uhmm... At natulog pa sa hotel niya. I already broke our engagement. Pero hindi alam ni Wael."
"Paanong hindi alam? Nalilito ako sa nangyayari."
Pahapyaw niyang ikinuwento sa kapatid ang pangungulit ni Wael na pu
