Elizabeth
Ilang araw na ang lumipas mula ng mangyari ang insidente sa bar at hindi pa ulit sila nagka-usap ni Nickolas. Kinabukasan nung gabing iyon ay tinatawagan pa siya ng binata pero hindi niya sinasagot dahil sa sobrang galit at inis niya. Natatakot siya na baka may masabi siya na posibleng pagsisihan niya. Mas minabuti niya na palipasin muna ang ilang araw bago niya ito kausapin. Aware naman siya na may kasalanan din siya dahil hindi niya ito kinausap para klaruhin ang lahat. Masyado siyang nagpadalos-dalos sa emosyon niya. Lumipas pa ang ilang araw at nag-uumpisa na siyang magalit sa sarili niya dahil hindi na ito tumatawag, kahit text message ay wala na rin siyang natatanggap at pati rin ang bulaklak na halos araw-araw niyang nakukuha ay wala na rin. Ilang buwan na silang magkasa
