Elizabeth
Ang sakit ng ulo niya dahil hindi siya nakatulog ng maayos kagabi at dahil na rin sa pag-iyak. Ewan ba niya pero hindi niya napigilan ang umiyak pagpasok niya sa kwarto kagabi. Nakailang tawag na rin sa phone niya si Nickolas kagabi hanggang ngayon umaga pero hindi niya 'yon sinasagot. Hindi niya alam kung kanino ba siya dapat magalit o dapat nga ba siya magalit?
"Anyare sa 'yo bakla?" tanong ni Gem at inabot sa kanya ang kape.
Pagkaabot ng kape ay nanghihina na umupo siya sa tapat nito at tinaas ang isang paa. Pinatong muna niya ang tasa sa lamesa dahil biglang kumikirot na naman ang sintido niya.
"Please, I don't want to talk about it," tugon niya habang hinilot ang sintido.
"Okay po, sabi mo eh. Hindi mo man sabihin sa akin kung ano ang nangyari kagabi but let me tell yo
