Elizabeth
"What time nga ba ung appointment ko kay Ms. Yambao?" tanong niya kay Kim habang nakatingin siya sa laptop niya.
Katatapos lang niya makipag-meet sa client nila at imbes na bumalik pa sa office ay dumiretso na siya sa kasunod na client nila. Itinawag lang iyon sa kanya ni Maricon kaninang umaga dahil nasa labas na rin naman siya at may ka-meeting naman ito sa office nila.
"Mam Ellie, two o'clock po ang meeting ninyo sa kanya pero tumawag na po siya rito kanina. Tinatanong nga po niya kung nandito po kayo sa office ang sabi ko sa kanya ay doon po kayo magkikita sa place na sinabi niya," sagot nito at tumango siya.
"Okay, maaga pa pala ako ng ilang minuto. Hintayin ko na lang siya rito. Maraming salamat, Kim," sabi niya.
Tumingin siya sa paligid at hindi niya maiwasan ang
