Elizabeth
"Relax Ellie," sabi ni Maricon at napatingin siya rito.
"Ano ba ang inaalala mo? Kaya naman siguro ni Nick ipagtanggol ang sarili niya at saka nandoon naman iyong ibang boys," sabi ni Mila at huminga siya ng malalim.
"Hindi naman siguro gagawa ng eksena si Roy dahil mahihiya iyon kay Bernard kaya huwag ka ng ma-tense diyan," sabi ni Maricon at ngumiti siya sa mga ito kahit pa nga deep inside ay nandoon pa rin ang kaba niya.
Alam naman niya na kaya ni Nick na ipagtanggol ang sarili nito at ito rin ang tipo na hindi magpapatalo. Ang inaalala lang niya ay parehas ng ugali si Roya at Nick kaya hindi imposible na mag-kainitan ang dalawa.
"Ano nga kaya ang nangyari na sa kanila?" curious na tanong nito at napatingin silang lahat dito.
"What?! Don't tell me na hindi rin kayo
