Aila
Eksaktong alas-singko ng hapon nang tawagan ako ng sekretarya ni Ate Irieth upang impormahan sa oras na dapat kaming magkita. Nagtaka ako no'ng una, pero kalaunan ay nawala rin iyon, nang ipaliwanag sa akin ng kanyang naatasan na kailangan nilang mauna sa event dahil sa mga investors na naghihintay sa kanila ni Kuya Keen doon.
Naiintindihan ko. Sino ba naman ako para kwestyunin pa ang tungkol sa bagay na iyon, samantalang sabit lang naman ako sa pag-attend sa event na aming pupuntahan ngayon. Gayunpaman ay hindi ko pa rin maiwasan panghinaan ng loob, lalo na't ang isip ko ay nasa Manila pa hanggang ngayon. Hanggang maaari ay ayoko talagang nag-iisa, dahil kung anu-ano ang sumasagi sa 'king isipan.
Maayos na naidaos ang kaarawan ni Ate Irieth no'ng nakaraang araw. Bagaman, hindi kam
