TATLONG araw na akong nilalagnat. At sa loob ng tatlong araw na iyon, wala akong ibang naririnig kun'di ang pangungutya ng tatlong kontrabida.
Si Manang Glenda naman, nanatiling tahimik. Nagtaka nga ako at hindi man lang siya nito kinakausap.
Tanging ang tatlong mababait na matanda ang kumakausap sa akin.
Natatandaan ko pa noong isang araw na malakas ang lagnat ko, si Aling Magda ang nagdadala ng pagkain ko sa loob ng maid's quarter at hindi ko magawang bumangon upang tumungo sa kusina.
Laking pasalamat ko nga at wala namang salita mula kay Manang Glenda.
Hindi ko nga rin maiwasang mag-isip kung ano bang pinag-usapan nila ni Bradley noong mga nakaraang araw at mukha itong nanahimik?
O baka hinihintay lang nitong gumaling ako?
Napalingon ako ng biglang bumukas ang pinto.
"Hoy
