BIGLANG napakapit sa hagdan si Nhikira ng maramdaman ang matinding pagkahilo at pagkapagod.
Tagaktak na rin siya ng buong pawis sa katawan. Nanginginig na rin ang kanyang buong kalamnan. Pakiramdam niya, kaunti na lang, mabubuwal na siya sa kinatatayuan niya.
Nitong mga nakaraang araw, napansin niyang lalong dumami ang gawain niya sa mansion ng mga Rhys. Kung ano-ano na lang ang ipinag-uutos sa kanya ni Manang Glenda.
Pati paggugupit ng mga halaman, sa kanya pinapagawa kahit alam niyang may hardinero naman sa pamamahay na iyon.
Labis siyang nagtataka kung bakit siya lang yata ang pinapahirapan nito? Napansin niyang nangyari lang ang ganito, simula ng tratuhin siya ng kakaiba ni Bradley.
Hindi niya makakalimutan noong hinayaan siya nitong nasa tabi habang patuloy na kumakain. Hin
