“BAKIT BIGLAAN naman yata itong ginawa mong pasya, Eira?” tumututol na wika ni Maia nang magpaalam si Eira na manatili muna sa kubo na dating tinitirhan nito at hindi nais na may dumalaw sa kaniya roon.
“Batid mong may kinakaharap na suliranin ang ating kaharian, bakit kailangan mong umalis?” wika ni Aura.
Eira heaved a deep sigh. “Kailangan ko ito, Maia, Aura. Huwag kayong mag-alala. Wala man ako rito kasama ninyo ay abot naman kayo ng kapangyarihan ko. Huwag n’yo sanang pabayaan si Ameera kapag nakuha na niya ang pirea kay Jus. Patuloy ninyo siyang tulungan na mabawi kina Argon at Ludo ang kaharian.”
“Ngunit mas kailangan ka ng Silvana, Eira.”
Malungkot na tinitigan ni Eira si Maia. “Patawarin mo ako, Maia. Kaunting panahon lang ang hihilingin ko. Kapag maayos na ako ay babalik ako
