Pagkakuha nga namin ng kotse ni Alejandro ay tumuloy na kami sa bahay nina Gavin. Hindi na nga ako nagulat na sa isang subdibisyon siya nakatira. Kaya lamang hindi kami pinapasok ng guwardiya sa gate dahil natimbrehan ng magulang ni Gavin. Kung alam lang pala namin na ganoon hindi na sana namin sinabi na si Gavin ang pupuntahan namin. Iyong kaklase na lang sana ni Alejandro na nakatira rin roon.
Nagisip kami ng paraan kung paano makakapasok kaya pinark ni Alejandro ang kotse kalapit ng pader na hindi na kita ng guwardiya. Gabi na rin kaya nakatulong iyon. Habang nasa loob ng sasakyan pinagmasdan ko ang pader na sampung talampakan ang taas.
"Sigurado ka na aakyat ka diyan?" ang tanong sa akin ni Alejandro kaya binalik ko ang atensiyon sa kanya.
"Oo. Simple lang iyan. Itabi mo lang ang ko
