Mukhang tama nga ang sabi ng iba. Ang pasko ay para lamang sa mga bata. Noon, ang inaalala ko lamang ay ang handa namin sa noche buena at kung naging mabuting bata ba ako para hindi ako makalimutang bigyan ng regalo ni Santa Claus. Magkatabi pa kami ni Ate Candy sa pag tulog noon dahil siya ang nagpapatulog sa'kin. Pinagsasabihan niya kasi ako na kung hindi raw ako matutulog ay hindi sa'min dadaan si Santa. Kung pwedeng ganoon lang sana ang problema ko hanggang ngayong malaki na ako eh di sana madali ko itong nalulutas ng hindi umaabot ng ilang araw.
Nagising ako mula sa malalim na pag iisip ng makatanggap ako ng tawag mula kay Janessa kung kaya't agad akong bumangon mula sa pagkakahiga at sinagot ang kaniyang tawag. Umaasa sana akong mag hahatid na siya ng magandang balita ngunit kagaya
