Napatingin ang lahat kay Enzo na pawang nagugulumihanan.
"Erika?" nangingiting wika ni Andrew. "No. That's Sheena, my girlfriend," aniya pa. Hindi siya pinansin ni Enzo.
"Nandito ka lang pala, babae ka," wika ni Enzo. "H*yop ka! Dahil sa iyo muntik na akong makulong. Dahil sa iyo, bumagsak ang negosyo ko, pati ni Mamu."
Nangilid ang mga luha ni Sheena kasabay ng panginginig ng bawat hibla ng kaniyang mga laman. "Nagkakamali ka. Hindi ako si Erika. Sino ba iyon?" tanggi niya. "Sheena ang pangalan ko. At hindi kita kilala."
Natawa si Enzo. "Maloloko mo ang lahat ng taong nandito, pero hindi ako. Kilalang-kilala ko ang pagmumukhang iyan. Hinding-hindi kita makakalimutan," anito. "Ibang klase rin talaga ang talino at kapal ng apog mo, ano? Para walang makahanap sa iyo, sa likod mismo ni An
