"Mom promised to treat you better," wika ni Andrew kay Sheena. Nakasandal ito sa kaniyang balikat.
"Sinabi niya lang iyon para hindi na kayo mag-away," tugon ni Sheena." Lumabi siya. "Naiintindihan ko naman ang mommy mo, eh, katulad ng sinabi ko. Hindi ko lang maiwasang masaktan. Pero okay lang ako. Huwag kang mag-alala sa akin. Kung nakayanan ko lahat ng pinagdaanan ko sa buhay, ang mommy mo pa kaya? Sisiw!" Ngumiti siya.
Huminga nang malalim si Andrew. "Sheena, can I ask you something?" aniya.
"Oo naman," mabilis na tugon ng dalaga.
"Ano ang last name mo?" Bahagya siyang natawa. "Funny, right? Sa tagal ng panahon, hindi ko pa alam ang buo mong pangalan."
Biglang kumabog ang puso ni Sheena. Ano ang gagawin niya ngayon? Ano ang sasabihin niya? Kapag nalaman ni Andrew ang buo niyang
