"Tara na, Aiden, anak!" malambing na wika ni Sheena. Kinuha niya ang kamay ng anak.
"Sabi sa akin ni Aiden, dito kayo nakatira?" ani Andrew sa dalaga. "Nasaan ang bahay ninyo? Pwede ba kaming dumalaw?"
Pakiramdam ni Sheena ay may bumara sa kaniyang lalamunan. Limang taon siyang nagtago. Wala na siyang balak pang magpakita kay Andrew. Tadhana ba ang gumawa ng paraan upang magtagpong muli ang kanilang landas? At si Aiden... Hindi nito pwedeng malaman na anak nito si Aiden.
Alanganin siyang ngumiti. Sa mga isiping sumagi sa kaniyang utak ay bigla siyang nataranta. "Aalis na kami, ha?" aniya kay Andrew. Hindi na siya tumingin sa mga mata nito. "May niluluto kasi ako. Iniwan ko. Baka masunog," aniya pa. Magsasalita pa sana si Andrew ngunit hindi na niya iyon pinakinggan. Nagmamadali niyang b
