MAKALIPAS ang isang linggo. Sila ay bumyahe kasama ang staff ni Fammy na sumundo sa kanya para siya ay ihatid sa location ng shoot para bukas. Hindi niya kasama ang kaibigan si Sansky sapagkat may aasikasuhin daw itong importante at susubukan na lang humabol bukas.
Hindi na siya nag-abala pang magtanung kung saan ang location at dahil mukhang mahaba-haba ang byahe ay nakatulog na siya at hindi na namalayan kung gaano katagal siyang nakatulog.
"Ma'am Rhaime, Ma'am...," tawag sa kanyang pangalan na nagpagising sa kanyang kamalayan. Kinusot niya muna ang mga mata.
"Ma'am, nandito na po tayo sa location. Halina po kayo para maihatid na po kayo sa kwarto ninyo at ng sa ganoon makapag pahinga na po kayo ng maayos"
Umibis siya ng sasakyan at ng makababa ay doon pa lang niya napansin na nas
