Kinabukasan ay sinalubong si Ellah na purong pasa sa mukha ni Azael. Gayunman ay nakangiti pa ito na parang nanalo sa lotto, samantalang siya ay tila nakakita ng anghel na magiging daan para makabalik siya sa ’Pinas! Agad niyang niyakap ang binata dahilan para mapaaray ito sa ginawa niya.
“Ibalik mo ako sa ’Pinas ngayon, please!” pakiusap niya nang bumitiw siya sa pagkakayakap dito.
“Bakit? Teka, wala ba rito si Cuhen? Muntik na nga ’kong patayin n’on mapaamin lang ako tapos hindi pumunta rito? Gago ’yon, ha!” Tumalon ito papasok sa kaniyang silid.
“Nandito siya kahapon pero umalis din. Nasaktan ko, kaya ayun . . . sinabi niya lahat. Ang sabi niya, mahal niya ako! Azael, mahal ako ng pinsan mo, kaya iuwi mo na ako ngayon din para masabi ko rin sa kaniya na mahal ko siya!”
Napailing-
