Sa sobrang makapangyarihan ng pera ay nakalabas siya ng Pilipinas na walang ginasto ni piso o anumang dalang damit. Basta lang siyang isinakay ni Azael sa private plane nito na halatang nakahanda na sa araw na iyon patungong Russia. This is it! Malaya na nga siya. Pero pakiramdam niya ay biglang naging hungkag ang puso niya. Hindi! Naiinis siya kay Cuhen.
Nagtataka lang siya kung matalik na magkaibigan at magpinsan ba talaga sina Cuhen at Azael na mukhang nagpapatayan patalikod. Pinagkibit na lamang niya iyon ng balikat at hinayaan ang mga ito. Basta ang tanging gusto niya ay makatakas at makalayo mula sa ama ng magiging anak niya.
Kompleto ang kagamitan sa rest house ni Azael nang dumating sila roon mula sa napakahabang biyahe. Malapit ito sa dagat at malayo sa kabihasnan. Mula sa dam
