Aaron
Nagtatagis ang bagang ko habang nagda-drive pauwi ng bahay. Ang sabi ni mang Rudy ay si Amanda daw ang may pakana noon. Binanggit niya lang ang pangalan ni Amanda at wala na siyang ibang sinabi. Tikom na ang bibig nito pagkatapos.
Sinasabi ko na nga ba, kahit nasa malayo siya ay kayang-kaya niyang gawin iyon. Gusto kong sumugod sa bahay nila pero pinigilan ako ni Adrian at sila na daw ang bahala na mag-imbistiga.
May mahalaga kami ni dad na business deal next week sa Ilocos. Isipin ko palang na ilang araw kaming mawawala ay kinakain na ako ng takot. Hindi ako basta-basta pinanghihinaan ng loob pero kapag ang mag-ina ko na ang pag-uusapan ay natatakot ako.
Paano nalang kung gawing oportunidad ni Amanda iyon na wala ako at may gawin siya sa mag-ina ko? Alam kong may bodyguards n
