Salamin
NANATILI si Sheryl sa kinauupuan,walang kagalaw-galaw. Nakabibingi ang katahimikang nakalukob sa loob ng sariling silid. Hindi tumitinag ang kanyang mukha ngunit nagsimula nang gumalaw ang itim ng mga mata. Sa kanan, sa kaliwa. May hinahanap at ang talukap ay hindi kumukurap.
Nagbuga siya ng hangin mula sa tila sasabog na dibdib nang hindi makita ang hanap ng paningin. Narinig niya ang pagtunog ng pintuan. Mabilis niyang ipinaling ang mukha sa gawing iyon
Gusto niya sanang pigilan ang kasambahay na papalabas, sabihang huwag siyang iwanang mag-isa. Ngunit nakalabas na ito'y wala siyang nasabi ni isang kataga. Ang takot sa pag-iisa ay pilit pinaglabanan. Pinang hawakan ang natitirang tapang at muling nagkubli sa baluktot na katwiran.
''Don't you dare say anything to anybody,
