Kaklaseng katabi
TANGHALI, napanganga si Mrs. Deato nang makitang maalab ang apoy ng kandila sa candelabra. Mayamaya pa'y unti-unting gumuhit ang ngiti sa mga labi nito. Pinaniniwalaang maganda iyong pahiwatig. Ngunit pagabi na ay hindi pa rin umuuwi si Mr. Deato. Walang tawag, o kahit maigsing text man lang mula pa nang umalis kagabi. Matamlay itong naupo sa terasa ng bahay at tiningala ang papalubog na araw. Nadatnan ito ni Sheryl sa ganoong sitwasyon.
"Sabi ko naman sa'yo huwag kang masyadong umasa, e. Isang malaking kalokohan lang ang sinabi ng matandang 'yon. Kung iwanan ka man ni Papa, so what? Nandito naman ako. Hayaan na natin siyang mawala sa buhay mo, sa buhay natin. Para isang sakit na lang at hindi 'yang paulit-ulit ka na lang nagmumukhang tanga sa kahihintay kung uuwi pa ba
