Sumpa ng Candelabra
“KAHAPON ko lang naisipang pumasok sa ukay-ukay shop na 'to. Matagal ko na itong napapansin pero dinadaan-daanan ko lang at never akong nag-try kahit tumingin-tingin man lang.'' Sabi ng isang dalaga sa mga kasabay na naghahalukay sa mala-bundok at ga bewang na taas ng mga bargain na maong short shorts at tokong shorts.
''Bakit naman?'' Humihingal na tanong ng katabi niyang babae na kahit marami nang napili ay sige pa rin sa kahahalukay at kalalagay sa malaking laundry basket na sadyang lalagyan ng mga mamimili.
''Paano kasi ang sosyal ng porma at ayos ng shop na 'to. Nakasarado pa ang glass door, meaning, may aircon. Syempre kapag may class at unkabogable ang presentation sa mga customer, meaning, mahal ang presyo ng paninda. E para lang din akong bumili ng bago,
