Hiwaga
UMALINGAWNGAW ang sirena ng mobile at ambulansiyang magkasunod na tumigil sa harapan ng tahanan ng pamilya Deato.
Mabilis ang pagkilos nang umibis na mga otoridad at mga unipormadong tauhan ng hospital.
Nagkakagulo ang mga taong nakikibalita. Umuugong ang bulungan. Magkakaiba ang sapantaha ng magkakapitbahay na umuusyoso. Bumagal ang daloy ng mga sasakyan at kung hindi pinangunahan ng isa sa mga pulis ang pagsasaayos sa mga nagdaraan ay lumikha sana ng mahabang traffic sa kalsada.
Nauna nang magdatingan ang mga kapatid ni Mrs. Deato, naroon na rin ang ilan sa mga kamag-anak ni Mr. Deato. Ang pinaka matanda ang nagdesisyon ng dapat gawin. Ang mga ito ang naging abala sa pagsalubong sa mga otoridad sapagkat sila lang ang nasa tamang wisyo bagama't sakmal din ng panghihilakbot s
