ENNA’S POV
“Sabihin mo nga sa akin. Jeth, sino ka ba talaga?” tanong ko rito pagpasok pa lang namin ng bahay.
Nagpakawala ito ng isang malalim na paghinga.
Malamlam ang mata habang nakatitig sa akin.
Nag-aalangan kung sasabihin niya ba o hindi ang kanyang itinatagong lihim.
“Jeth alam mo. Ilang beses na pumasok sa isipan ko ang bagay na ito, marami pa pala akong hindi alam tungkol sa iyo. Hindi ko alam kung saan ka nanggaling, probinsya mo, trabaho mo at kung ano ang mga hobbies mo. Kakaunti lang pala ang alam ko tungkol sa iyo, kung tutuusin nga ay para ka lang estranghero sa akin dahil hindi talaga kita kilala,” tuluyan ko na ngang inilabas ang kung anumang bumabagabag sa aking isipan.
Ibinaba nito ang bag na dala nito, maging ang mga dala nitong paper bags na naglalaman na nama
