Buong pag-iingat na inalalayan ako ni Dervis pababa sa karwaheng sinakyan. Nang makababa at pasimple ko pa inilibot ang tingin sa kabuuan ng manor ng mga Menos. Napakaganda nito ay maikukumpara sa isang palasyo sa kaharian.
Ito pa lang ay nakakapagtaka na kung paano nila nagawang magpatayo ng ganitong kalaking manor.
Naglakad ako patungo sa tapat ng pintuan bago nilingon sina Dervis na maiiwan sa labas ng manor. Lahat sila ay maalertong nagbabantay sa maaaring mangyari.
Nginitian ko naman sila para ipakita na magiging maayos lang ako papasok at lalabas ng manor na ito.
"Magbigay galang sa pagdating ni Prinsesa Prima!" Napakalakas na anunsyo ng mga gwardiya bago binuksan ang pintuan.
Humugot muna ako ng malalim na hininga bago taas noo na humakbang papasok sa loob. Nang tuluyan na m
